“عايزه اخس” جملة ناس كتير بتقولها، ومع ذلك الميزان مش بينزل أبدًا، بعض الناس عايزة تخس علشان شكلها يبقى أحسن، البعض الآخر عايز يخس علشان يحسن من جودة حياته، كمان في بعض الناس بتحاول تخس علشان تنقذ حياتها من أضرار السمنة. لو انتِ عايزه تخسي وحاولتي كتير ومش عارفه تعملي ايه، في المقال ده هنقولك على نصائح عملية ومعلومات مفيدة تساعدك تخسي بشكل آمن وفعّال.
تنويه مهم: المعلومات الواردة في المقال هدفها التوعية فقط، ومش بديل عن استشارة الطبيب أو الخضوع لتشخيص طبي متخصص. لو بتفكّري تبدأي نظام غذائي جديد، أو استخدام أدوية أو عمليات للتخسيس، لازم ترجعي للطبيب المتخصص لتقييم حالتك بشكل فردي.
عايزه اخس: ازاي التخسيس بيحصل؟
قبل الإجابة على سؤال “عايزه اخس اعمل ايه؟” لازم نعرف ازاي التخسيس بيحصل، وهل الموضوع صعب فعًلا؟
ازاي اخس…؟
ببساطة، الخسسان وإنقاص الوزن بيحصل عن طريق عمل عجز في السعرات الحرارية اللي بيستهلكها الإنسان، فعلى سبيل المثال: لو شخص محتاج 2000 سعرة حرارية في اليوم، فهيحتاج أقل من 2000 علشان يخس، وكل ما عجز السعرات يزيد، التخسيس يزيد. بس لازم ننوه على أن عجز السعرات الشديد ممكن يسبب آثار جانبية، فلازم المتابعة مع طبيب متخصص قبل إتباع أي رجيم أو دايت يحتوي على عجز شديد في السعرات الحرارية.
عايزه اخس اعمل ايه؟
“عايزه اخس اعمل ايه”، “عايزة اخس بسرعة جدا من غير رجيم”، “عايزه اخس ومش عارفه ابطل اكل” “عايزه اخسس بطني”، الإجابة على الأسئلة دي تختلف من شخص للتاني ومن حالة للتانية، علشان كدا هنوضح الإجابة بشكل مفصل.
عايزة اخس بسرعة جدا من غير رجيم…هل ده ممكن؟
واحد من أكثر الأسئلة شيوعًا هو سؤال “عايزة اخس بسرعة جدا من غير رجيم، اعمل ايه؟” وخصوصًا مع الجسم العنيد في نزول الوزن، والحقيقة أن الإجابة على السؤال ده محتاجة تفصيل.
خسارة الوزن بتحصل لما يكون في عجز في السعرات الحرارية، لما يحصل عجز، الجسم بيضطر بيحرق من مخزون الدهون اللي في الجسم، اللي في النهاية بيؤدي إلى خسارة الوزن.
فعلشان الشخص يخس من غير رجيم قاسي مطلوب منه –بعد حساب السعرات الحرارية اللي جسمه بيحرقها في اليوم– يعمل الآتي:
- ممارسة الرياضة بشكل منتظم لزيادة السعرات الحرارية المحروقة خلال اليوم
- الأكل ببطء والمضغ جيدًا لتجنب الزيادة غير المحسوبة في الأكل
- شرب الماء للحفاظ على صحة ووظائف الجسم.
- تقليل أو تجنب السكر المُضاف، زي السكر في المشروبات الساخنة وغيره.
- البحث عن وصفات صحية لذيذة علشان تساعدك على الأكل الصحي
كل دي تعديلات بسيطة في أسلوب الحياة ممكن تساعد على خسارة الوزن بسرعة من غير رجيم قاسي، ولكن النتيجة النهائية تعتمد على درجة زيادة الوزن والقدرة على الالتزام.
عايزه اخسس بطني بس…هل ممكن فعًلا؟
من الأسئلة الشائعة برضو سؤال “عايزه اخسس بطني بس”، والحقيقة إن تخسيس البطن بس أو التخلص من “الكرش” فقط شيء غير قابل للتحقق، كل جسم بيختلف في توزيع الدهون، وبالتالي في أجسام بتخزن الدهون في البطن، في أجسام تانية بتخزن الدهون في الفخذين، إلخ…، فعلشان البطن تخس والكرش يختفي، لازم الجسم كله يخس.
حلول للتخسيس: الحل الدوائي والجراحي
من الحلول الفعّالة جدًا هو الحل الدوائي والجراحي، ولكن الحلّين دول لازم معاهم متابعة طبية دقيقة، لأن على الرغم من إنهم حلول آمنة وفعّالة، إلا أنه ممكن ينتج عنهم آثار جانبية شديدة لو تم اللجوء إليهم بدون دراسة واعية للحالة من طبيب متخصص.
الحل الدوائي…حقيقة أم وهم؟
أدوية السمنة أنواعها كتيرة جدًا وموجودة من زمان، منها أدوية معترف بيها ومعتمدة من إدارة الغذاء والدواء الأمريكية (FDA)، وأدوية تانية غير معترف بيها.
أدوية التخسيس غير المعترف بيها هي أدوية لا يصح استخدامها لأنها أشبه بالسموم، أما الأدوية المعترف بيها، واللي بيُعرفوا ضمن فئة محفزات مستقبلات الببتيد الشبيه بالجلوكاجون-1 (GLP-1 Agonists) أو تيرزيباتيد (Tirzepatide)، فهي أدوية فعالة جدًا لو تم استخدامها بالشكل الصحيح للمريض المناسب، مع إجراء الفحوصات المطلوبة قبلها ومتابعة طبية مستمرة عشان تكون الجرعات مضبوطة.
المشكلة الحقيقية إن أدوية التخسيس تم استغلالها بشكل خاطئ، فبقى أي حد ممكن يروح يشتريها من الصيدلية ويستخدمها لنفسه من غير ما يحسب الجرعة أو يعمل فحوصات مسبقة، وده بيؤدي لمشاكل صحية.
الحقيقة إن الحل الدوائي مش وهم، بالعكس، هو حل ممتاز لو تم استخدامه في مركز طبي معتمد وبإشراف طبي وفحص دوري مستمر.
جراحات السمنة… حل آمن أم جريمة
في اعتقاد سائد إن جراحات السمنة جريمة، وإن اللي بيتعمل في جراحات السمنة شيء غلط، وإن الناس بتتعب بعد عمليات السمنة.
لكن الحقيقة جراحات السمنة مش جريمة. جراحات السمنة لو تم إجراؤها بشكل سليم للشخص السليم مع مساعدته بحلول أخرى مُكملة للحل الجراحي فالنتيجة بتكون ممتازة، الكلام ده بتؤكده الأبحاث اللي بتثبت أن جراحات السمنة حل آمن وفعال، بل وأن الأخطار والمشاكل المرتبطة بجراحات السمنة أقل من المشاكل المرتبطة بالسمنة المفرطة نفسها. ومن ضمن الجراحات الفعّالة واللي بتساعد على التخلص من السمنة هي جراحة التكميم الدقيق (الميني سليف).
ليه التكميم الدقيق (الميني سليف)؟
ليه التكميم الدقيق (الميني سليف)؟ لأن التكميم الدقيق (الميني سليف) حلت مشاكل مرتبطة بجراحات تانية، في التكميم الدقيق إحنا بنحافظ على أجزاء مهمة في المعدة اللي بيها تقدر تقوم بوظيفتها، في الميني سليف بيتم تصغير المعدة لأقل حجم تقدر تقوم فيه بوظيفتها ويبقى الشخص قادر يقلل من كمية الأكل وبالتالي يقدر يخس، ولكن في نفس الوقت المعدة تبقى قادرة تقوم بوظيفتها في الهضم بشكل طبيعي من غير حموضة أو رغبة في الترجيع وغيره من الآثار الجانبية السلبية.
أسئلة شائعة عن التخسيس وخسارة الوزن
لو عايزه اخس بسرعه اعمل ايه؟
أسرع طريقة للتخسيس وإنقاص الوزن بتختلف باختلاف درجة السمنة وطبيعة الشخص، فلو شخص بيعاني من زيادة بسيطة في الوزن، أسرع طريقة هتكون بالدايت وممارسة الرياضة، ولكن لو شخص بيعاني من السمنة المفرطة وفشل في الحلول التقليدية، فأسرع طريقة هتكون عن طريق اللجوء لطبيب مختص لوضع خطة علاجية شاملة ممكن تشمل الحل الدوائي أو الحل الجراحي حسب حالة الشخص.
ما هو أفضل مشروب لإنقاص 10 كيلو في أسبوع؟
لا يوجد مشروبات تساعد على إنقاص 10 كيلو في أسبوع، وعادة بتكون دعاية لمنتج معين بغرض ربحي. الأفضل الالتزام بنظام غذائي متوازن وممارسة الرياضة علشان نحقق تخسيس وإنقاص وزن تدريجي بشكل آمن ونتجنب الآثار الجانبية المحتملة للتخسيس السريع جدًا.
ازاي اخس بطريقة صحية
التخسيس بطريقة صحية بيتم عن طريق:
- الالتزام بنظام غذائي متوازن، من غير حرمان شديد ولا تساهل شديد.
- أكل كميات مناسبة من البروتين والدهون الصحية.
- الابتكار في الوصفات والاستعانة بالوصفات الصحية اللذيذة قليلة السعرات.
- تقليل التوتر والضغط النفسي.
- الاستعانة بالأهل والأصدقاء للتشجيع وخلق بيئة إيجابية.
- تجنب الترندات غير المثبتة علميًا وخصوصًا بدون استشارة طبية.
- والأهم هو التحلي بالإرادة والصبر.
وفي النهاية، زيادة الوزن والسمنة مشكلة حقيقية بتواجه ناس كتير جدًا، ولكن هي كمان مشكلة قابلة للحل وحلولها متنوعة حسب حالة كل شخص.
احجزي موعدك في مركز كونتورز دلوقتي، وابدأي رحلة التخلص من السمنة بشكل آمن وفعّال!